A Ruta Máxica de Oia era a primeira andaina do calendario organizado polo Concello da Guarda e Caminha pero debido ás malas condicións meteorolóxicas tivo que ser aprazada. Finalmente esta andaina terá lugar o vindeiro sábado 26 de maio. Así que os interesados deben confirmar a súa asistencia na Oficina de Turismo de Ler máis
A Ruta Máxica de Oia era a primeira andaina do calendario organizado polo Concello da Guarda e Caminha pero debido ás malas condicións meteorolóxicas tivo que ser aprazada.
Finalmente esta andaina terá lugar o vindeiro sábado 26 de maio. Así que os interesados deben confirmar a súa asistencia na Oficina de Turismo da Guarda ou no tel. 986614546 ou no mail turismo@aguarda.es
Esta ruta estará guiada pola Asociación Costa de Castros. A Ruta Máxica de Oia percorre uns 18km da Serra da Groba pasando polas parroquias costeiras deste concello.
A ruta sinalizada comezará no miradoiro da Pedreira onde se atopan petróglifos e continuará coñecendo outros gravados rupestres ata chegar ao río Broi e ao espazo natural das Sobreiras do Faro, o bosque mediterráneo máis occidental. Despois ascenderase ata o Castro do Cano do Moros e as Pozas de Mougas onde se realizará a comida. Nesta última parte do percorrido descenderase ata o Castro de Cabeziña. A ruta finalizará na estrada PO552 onde se atopa o Camping O Muíño.
