O mércores día 19 de agosto o Salón de Plenos da Casa dos Alonso acolleu o acto de Presentación da 90ª edición do Encontro Internacional da FICC 2021, un encontro internacional que tan só se celebrou en tres ocasións en territorio español na súa longa traxectoria, e que se celebrará na Coruña. Ler máis
O mércores 19 de agosto o Salón de Plenos da Casa dos Alonso acolleu o acto de Presentación da 90ª edición do Encontro Internacional da FICC 2021, un encontro internacional que tan só se celebrou en tres ocasións en territorio español na súa longa traxectoria, e que se celebrará na Guarda o próximo ano.
Neste acto contouuse coa presenza de Antonio Lomba Baz, Alcalde da Guarda; Montserrat Magallanes, Concelleira de Cultura; Joao Alves, Presidente da FICC; José Vicente, Presidente da Federación Española de Clubes campistas (FECC); Miguel Merino Ayllón, vicepresidente da Federación Española de Clubes campistas (FECC); Andrés Sánchez, vogal da Federación Española de Clubes campistas (FECC); Juan Antonio Cidanes, presidente do Camping Caravaning Club de Galicia-Vigo; José Iglesias, vogal e responsable das relacións coa FICC e José Coello, representante do Camping Santa Tecla.
O Presidente da Federación Española de Clubes campistas (FECC) agradeceu na súa intervención a boa disposición do Concello da Guarda para acoller esta edición, destacando que na Guarda xa se celebraron con éxito 3 acampadas nacionais, sendo un municipio excepcional para este tipo de eventos e contando o Camping Santa Tecla cunhas instalacións inmellorables. José Vicente indicou que o evento terá lugar na segunda quincena do mes de xuño de 2021, onde os centos de campistas de todo o mundo gozarán da boa gastronomía local, da natureza e dos recursos turísticos do municipio e das súas contornas cunha chea de actividades nas que se inclúen xogos populares, desfiles, visitas turísticas, entre outras.
Para o Presidente da FICC é un pracer estar de novo en Galicia, nun evento que se celebra por terceira vez en territorio español dende 1933, destacando a gran experiencia do comité organizador formado pola FECC na realización das súas encontros nacionais, ao apoio mostrado polo Concello da Guarda e do Camping Santa Tecla. Joao Alves indicou que a decisión de facelo na Guarda estivo entre as opcións máis distinguidas xunto con Polonia, Croacia e Corea do Sur, pero a gran capacidade da FECC para a organización deste tipos de eventos foi clave para que finalmente A Guarda resultase gañadora, o que levará a unha promoción deste municipio a nivel mundial dende a FICC.
O Alcalde da Guarda agradeceu a todos os presentes a súa asistencia mostrando unha vez máis o compromiso do Concello para que este evento saia adiante e ben, esperando tamén que a situación provocada polo Covid-19 mellore de cara ao ano que vén. Antonio Lomba destacou a gran repercusión a nivel mundial e o forte impacto turístico e económico que terá este evento para a vila, municipio que xa conta cunha longa traxectoria e a organización e realización de eventos como o Encontro de Embarcacións Tradicionais de Galicia celebrado o pasado verán ou festas de importante renome como a Festa da Lagosta, do Peixe Espada ou as Festas do Monte.
O acto de presentación desta 90º edición rematou coa sinatura do Convenio de Colaboración entre o Concello da Guarda e a FECC, que permitirá xestionar os recursos necesarios para que sexa un éxito.
