O vindeiro luns día 23 de setembro(festivo local), A Guarda acolle un ano máis a Romería de Santa Trega, un evento de carácter relixioso e tamén festivo que congrega no Monte de Santa Trega a multitude de fieis e devotos da Virxe de Santa Trega. Dende primeira hora da mañá a Capela Ler máis
O vindeiro luns día 23 de setembro (festivo local), A Guarda acolle un ano máis a Romaría de Santa Trega, un evento de carácter relixioso e tamén festivo que congrega no Monte de Santa Trega a multitude de fieis e devotos da Virxe de Santa Trega.
Dende primeira hora da mañá a Capela de Santa Trega acolle varias misas ás 8, 9 e 10 da mañá e ás 11:00h Sermón e Solemne Procesión.
Despois da finalización dos actos relixiosos celébranse as tradicionais poxas ou poxas de produtos típicos, cunha monumental torta que sempre agocha un gran premio no seu interior.
A tradición manda realizar unha comida popular, onde as familias se reúnen para comer, cantar e bailar ata o atardecer, onde o son das gaitas, acordións, pandeiretas e tamborís acompañan a sobremesa.
Dende o Concello da Guarda lémbrase á poboación a obriga de respectar o noso patrimonio, sinal de identidade do noso pobo, evitando maltratar ou acceder a zonas patrimoniais como a Citania de Santa Trega. Unha ocupación da zona delimitada pode provocar agresións que resulten en danos nas estruturas deste espazo protexido, un dos lugares máis visitados de Galicia e cun valor patrimonial e arqueolóxico único.
A maioría da poboación é consciente de que o xacemento castrexo do monte Santa Trega é un tesouro para A Guarda e para Galicia, e de que debemos dar unha imaxe acorde coa súa importancia e valor. Por parte do Concello e do Padroado do monte Santa Trega seguiremos traballando para concienciar á poboación no respecto polo patrimonio, lembrando que é tarefa de todos mantelo en boas condicións.