Este mércores, 27 de setembro, celebrarase o Día Mundial do Turismo coa temática, establecida pola Organización Mundial do Turismo (OMT), «Turismo sostible: un instrumento de desenvolvemento», cuxa finalidade pasa por concienciar e potenciar o respecto polo rico patrimonio das diferentes poboacións que conforman o mundo. O Concello da Guarda Ler máis
Este mércores, 27 de setembro, celebrarase o Día Mundial do Turismo coa temática, establecida pola Organización Mundial do Turismo (OMT), «Turismo sostible: un instrumento de desenvolvemento», cuxa finalidade pasa por concienciar e potenciar o respecto polo rico patrimonio das diferentes poboacións que conforman o mundo.
O Concello da Guarda únese a esta iniciativa e mostrará o seu patrimonio coa apertura dos tres recintos visitables da nosa Rede de Museos:
- O Museo Arqueolóxico Monte Santa Trega (MASAT): permanecerá aberto de 10:00 a 20:00 horas.
- O Centro de Interpretación do Castelo de Santa Cruz: poderase visitar entre as 11:00 e as 14:00 horas.
- O Museo do Mar: estará aberto de 11:00 a 14:00 horas.
Ademais, o ferry que une A Guarda e Caminha será gratuíto durante toda a xornada.