O martes día 19 de xuño a Casa dos Alonso da Guarda acolleu a entrega de premios da Ruta Tapearte 2018, un evento gastronómico celebrado entre o 18 de maio e o 3 de xuño, que contou coa participación de 19 establecementos de hostalaría do municipio. Compareceron ante os medios de Ler máis
O martes 19 de xuño a Casa dos Alonso da Guarda acolleu a entrega de premios da Ruta Tapearte 2018, un evento gastronómico celebrado entre o 18 de maio e o 3 de xuño, que contou coa participación de 19 establecementos hostaleiros do municipio.
Compareceron ante os medios de comunicación o Alcalde, Antonio Lomba e a Concelleira de Turismo, Montserrat Magallanes, destacando unha vez máis a importancia que este evento ten á hora de atraer comensais e «ruteros» que, co pasaporte na man, gozaron da gastronomía local, dinamizando un sector tan importante para a vila como é a hostalaría.
Nesta edición 2018 de Tapearte, o Restaurante Camping Santa Tecla foi o elixido polos «ruteros» logrando a mellor puntuación cunha tapa de Zamburiñas en alioli de allo negro con puré de piña con crocante de xamón, recolleu este galardón á Mellor Tapa Tapearte 2018 Diana Carrera Sousa, xerente deste establecemento.
Por outra banda os «ruteros» tamén destacaron ao restaurante Bitadorna, sendo este o que máis tapas despachou, cunha media de 40 tapas por xornada, recibindo a mención especial como a Tapa máis degustada. Por parte deste establecemento recibiu o galardón Antonio Martínez Alonso, cociñeiro do Bitadorna A Guarda.
Entre os premios e agasallos de Tapearte 2018, realizouse o sorteo dun smartphone Samsung J7, a persoa premiada, Fina Peniza Baz, tamén recibiu neste acto o seu agasallo, recollido pola súa irmá. Outros 44 participantes recibiron un premio directo dun Estoxo de dúas botellas de Albariño Pazo de Seane da Adega Lagar de Fornelos por depositar o pasaporte con, polo menos, 10 selos.
A Ruta Tapearte 2018 recibiu unha gran acollida, depositándose, para participar no sorteo e nos agasallos, un total de 95 pasaportes.
