A Guarda instalou recentemente 15 paneis informativos con fotografías e informacións de interese sobre monumentos e fitos históricos da vila grazas a unha subvención con cargo ao Plan Concellos da Deputación de Pontevedra. Esta actuación contou cun orzamento de 13.612,50€ para a posta en valor dos elementos e fitos históricos con Ler máis
A Guarda instalou recentemente 15 paneis informativos con fotografías e informacións de interese sobre monumentos e fitos históricos da vila grazas a unha subvención con cargo ao Plan Concellos da Deputación de Pontevedra.
Esta actuación contou cun orzamento de 13.612,50€ para a posta en valor dos elementos e fitos históricos con paneis de 30x20cm que mostran fotografías, planos e textos sobre cada un deles, ademais dun código QR co que se pode acceder a unha páxina web na que ampliar máis información en varios idiomas, así como fotografías panorámicas en 360º.
En total os paneis atópanse ubicados na Igrexa de Santa María, a Torre do Reló, a Igrexa Convento de San Bieito, o Manómetro Barométrico, a Capela de San Caetano, a Capela da Guía, a Capela de Santa Trega, a Igrexa de Nosa Señora da Visitación de Camposancos, o Cruceiro Pinto, a Capela de San Roque, a Igrexa de San Lourenzo de Salcidos, a Capela de Nosa Señora das Mercedes da Gándara, a Muralla Medieval da rúa Baixo Muro, a Muralla Medieval da rúa Ireira e a Praza San Marcos (Hospital).
No traballo de recompilación de informacións e fotografías contouse coa participación do bolseiro de arquivo, da Concellaría de Patrimonio, así como de particulares que cederon material que é agora visible e do que pode gozar toda a cidadanía guardesa e visitantes.
