O Concello da Guarda presentou este martes 14 de xullo unha APP dirixida ao sector da hostalaría e restauración para a creación de cartas dixitais. Esta APP gratuíta para a hostalaría foi deseñada para dar apoio ao sector ante as novas medidas obrigatorias para a prevención do risco do COVID-19. Esta acción ten Ler máis
O Concello da Guarda presentou este martes 14 de xullo unha APP dirixida ao sector da hostalaría e restauración para a creación de cartas dixitais.
Esta APP gratuíta para a hostalaría foi deseñada para dar apoio ao sector ante as novas medidas obrigatorias para a prevención do risco do COVID-19. Esta acción foi financiada pola Deputación de Pontevedra a través do Plan Concellos.
Esta aplicación facilita a creación de cartas online sempre cun funcionamento simple e mediante poucos pasos permite a xeración de QR para a visualización da carta ofertada nos establecementos e que pode ser actualizada segundo conveña ao establecemento. Ademais permitirá que os establecementos estean localizables nun mapa interactivo.
A xestión desta aplicación é a través da web https://qr.aguarda.es/gl/ O primeiro paso é darse de alta como establecemento e despois de completar os datos poderá deseñar a información que estará dispoñible en función da oferta do local: carta, menú do día, menú fóra de carta e carta de viños. Esta información poderá actualizarse en cada momento dunha forma automática e polo xestor do local. Por exemplo, se durante a fin de semana non se ofrece o menú do día tan só hai que desactivar esa opción.