O Concello da Guarda participou por terceira vez nas xornadas profesionais do Fairway, o IV Fórum do Camiño de Santiago que se celebrou o luns e martes pasado no Pazo de Congresos e Exposicións de Galicia en Santiago de Compostela. Durante as dúas xornadas o Concello da Guarda participou no Ler máis
O Concello da Guarda participou por terceira vez nas xornadas profesionais do Fairway, o IV Fórum do Camiño de Santiago que se celebrou o luns e martes pasado no Pazo de Congresos e Exposicións de Galicia en Santiago de Compostela.
Durante as dúas xornadas o Concello da Guarda participou no Workshop que é o espazo dedicado ás reunións de traballo con axencias especializadas en peregrinacións nacionais e internacionais como Viaxes Camiño de Santiago, Camiño Ways, The Real Thing, Galicia Incoming, Marly Camiño, Fresco Tours,….
Estas reunións de traballo permitiron o intercambio de información entre as axencias e o Concello sobre as novas necesidades teñen os peregrinos tras a pandemia. Ademais de coñecer cales son as novas tendencias e peticións dos peregrinos ante a nova situación.
Os contactos mantidos coas axencias e tour operadores confirmaron que estas empresas xa coñecen A Guarda como destino co seu referente o Monte Santa Trega e que gran parte xa inclúen dentro dos seus servizos e produtos ao noso concello.
Nestas reunións ampliouse a información da vila referente á cultura mariñeira, a gastronomía e o seu patrimonio. E reforzando que A Guarda é o primeiro concello galego do Camiño Portugués da Costa.
Ademais destes encontros profesionais, a programación da Fairway permitiu valorar a situación tras a pandemia e os retos aos que se presentan os Camiños de Santiago, institucións, sectores económicos (aloxamentos, axencias,…) e os propios peregrinos.
O Camiño Portugués da Costa estivo presente no stand de Turismo Rías Baixas co seu stand. Ademais a organización da Fairway invitou o venres 5 de novembro ás axencias a un fam trip no que visitaron o Monte Santa Trega como lugar destacado no Camiño Portugués da Costa e, así trasladaron nas reunións mantidas, que o monte ten unha beleza espectacular.