A Guarda é unha vila turística que recibe numerosos visitantes grazas aos destacados recursos patrimoniais e paisaxísticos. Por iso en 2018 o Concello da Guarda adheriuse á Rede de Oficinas “Info Rías Baixas” que puxo en marcha a Deputación de Pontevedra para mellorar a atención dos puntos de información turística e Ler máis
A Guarda é unha vila turística que recibe numerosos visitantes grazas aos destacados recursos patrimoniais e paisaxísticos. Por iso en 2018 o Concello da Guarda adheriuse á Rede de Oficinas “Info Rías Baixas” que puxo en marcha a Deputación de Pontevedra para mellorar a atención dos puntos de información turística e ofrecer un servizo de calidade.
Dende o 2019 a Oficina de Turismo ampliou os seus horarios e centralizou a atención dos visitantes e tamén dos peregrinos ao estar localizada no percorrido do Camiño Portugués da Costa.
A ampliación dos horarios é posible grazas á contratación de dous informadores turísticos a través da subvención de dotación de persoal para as oficinas de turismo integradas na Rede Info Rías Baixas. A segunda informadora incorpórase o día 1 de xullo o que permitirá ampliar o horario e a oficina estará aberta de luns a domingo nestes meses de verán.
Horario de verán (meses de xullo a outubro):
• De luns a venres: 9:00 a 14:30 / 15:00 a 20:00
• Sábados, domingos e festivos: 10:00 a 14:00 / 16:30 a 19:30
A partir de novembro reducirase o horario. Para máis información:
tel. 986614546 ou turismo@aguarda.es
www.turismoaguarda.es