A oficina de turismo situada no porto guardés atendeu durante o pasado mes de xullo a máis de 1.570 turistas dentro do seu horario de atención ao público (de 11.00 a 14.00 e de 16.30 a 19.30 horas durante toda a semana). Así, segundo os datos rexistrados pola propia oficina, os visitantes incrementaron Ler máis
A oficina de turismo situada no porto guardés atendeu durante o pasado mes de xullo a máis de 1.570 turistas dentro do seu horario de atención ao público (de 11.00 a 14.00 e de 16.30 a 19.30 horas durante toda a semana). Así, segundo os datos rexistrados pola propia oficina, os visitantes incrementaron o seu número en máis dun 23% en relación cos datos obtidos o pasado ano durante o mesmo período, cando foron preto de 1.200 as persoas atendidas.
Este servizo de información turística complétase co ofrecido durante todo o ano pola oficina de turismo situada no Concello da Guarda, onde se reciben unha media de 30 persoas ao día, sendo o seu horario de apertura de 9.00 a 14.00 horas de luns a venres. Estas cifras confirman a tendencia ascendente das visitas turísticas á nosa vila, xa que supoñen un espectacular aumento do 60% con respecto aos datos obtidos durante o mes de xullo de 2015, cando non chegaban a 1.000 as persoas atendidas na oficina turística do porto.
Neste mesmo sentido apuntan os datos da caseta de cobro do Monte Santa Trega, pola que pasaron máis de 35.173 persoas, unha cifra sensiblemente superior á rexistrada durante o mes de xullo do pasado ano, cando foron 34.830 os visitantes que accederon ao monte.
Con todo, confírmase a inclinación cara ao incremento que xa se produciu o pasado ano con respecto a 2015 e destaca, especialmente, o aumento daquelas persoas que realizan a viaxe ao Monte Santa Trega de forma particular, en detrimento das visitas con viaxes concertados. O estudo destas cifras complétase coa información facilitada polos establecementos hoteleiros, cuxos datos de ocupación confirman o incremento paulatino do interese turístico durante este último ano.