Unha vez máis, as praias do “Muiño” e “Area Grande” do Concello da Guarda cumpren os requisitos deste distintivo internacional de bandeira azul. A Asociación de Educación Ambiental e do Consumidor (ADEAC), e a rama española da Federación Europea de Educación Ambiental (FEE) fixeron pública este mércores a listaxe de todas Ler máis
Unha vez máis, as praias do “Muiño” e “Area Grande” do Concello da Guarda cumpren os requisitos deste distintivo internacional de bandeira azul.
A Asociación de Educación Ambiental e do Consumidor (ADEAC), e a rama española da Federación Europea de Educación Ambiental (FEE) fixeron pública este mércores a listaxe de todas as bandeiras azuis que se concederon en territorio español para esta tempada estival.
O Concello da Guarda traballa para ofrecer un servizo de calidade e eficaz. Por tanto, conseguir este recoñecemento implica unha aposta pola calidade e os servizos ambientais para que os residentes e visitantes dispoñan duns servizos acordes coa excelencia destas praias.
Os servizos que demanda Bandeira Azul son paneis informativos, excelente análise de auga nas catro estacións anteriores, servizo de limpeza e recollida de residuos, aseos e o servizo de salvamento e socorrismo que dá servizo ás dúas praias e que comezará co inicio do verán.
A praia «Area Grande» luciu por primeira vez este distintivo en 2009, e desde esa data outórgase todos os veráns. Pero o pasado verán o Concello da Guarda anunciou formalmente a súa baixa voluntaria da ADEAC para a praia de Area Grande ante a imposibilidade de dispoñer do servizo de socorristas de luns a domingo. Dos 6 socorristas necesarios para cubrir ambas as praias, só foi posible contratar 4 debido á dificultade de contar co persoal capacitado que require este servizo.
No caso da praia do Muíño, a bandeira azul tamén se renova desde 2010. Ademais da bandeira azul, esta praia fluvial tamén contará co distintivo de “Ecoplayas”.
O Concello da Guarda quere destacar o esforzo realizado para a súa concesión en canto a mantemento e mellora de actuacións e servizos sendo recompensado un ano máis coas dúas bandeiras azuis do Concello.
O pasado 5 de abril, a ADEAC anunciou que a entrega do distintivo “Sendero Azul” é o camiño que une as dúas praias. Este ano organizaron unha Cerimonia de Entrega de Premios Sendero Azul que terá lugar o 26 de maio no Real Xardín Botánico de Madrid.