A bandeira azul recoñece a calidade ambiental e os servizos dos areais guardeses, que logran o distintivo por noveno e oitavo ano consecutivo. A Asociación de Educación Ambiental e do Consumidor (ADEAC) e a rama española da Federación Europea de Educación Ambiental (FEE) deron onte a coñecer a lista de praias españolas recoñecidas con Ler máis
A bandeira azul recoñece a calidade ambiental e os servizos dos areais guardeses, que logran o distintivo por noveno e oitavo ano consecutivo.
A Asociación de Educación Ambiental e do Consumidor (ADEAC) e a rama española da Federación Europea de Educación Ambiental (FEE) deron a coñecer onte a lista de praias españolas recoñecidas coa bandeira azul para este verán, entre as que se atopan os areais guardeses de Area Grande e O Muíño.
Ambas as praias renovan o distintivo alcanzado por primeira vez en 2009 (Area Grande) e 2010 (O Muíño), co que se destaca a súa calidade ambiental e de servizos. Así, os areais volverán contar ese verán cos criterios esixidos polo distintivo de bandeira azul: paneis informativos, actividades de educación ambiental, análises das augas, servizo de limpeza e recollida de residuos, servizo de salvamento e socorrismo, e instalacións como duchas e aseos.
Ademais do recoñecemento ás praias, A Guarda conta coa Senda Litoral recoñecida como sendeiro azul. O camiño, que renova o distintivo dende o ano 2013, comunica as praias do Muíño e Area Grande pasando polos areais de Fedorento e O Carreiro, con preto de 5 km de lonxitude.
