Este mural representaría a primeira fase dun proxecto completo para decorar a praza que pretende cubrir todas as paredes que se atopan deterioradas nela. A través desta iniciativa preténdese mellorar a estética desta contorna e, ao mesmo tempo, resaltar elementos singulares do noso municipio: o mar, a cultura e o Ler máis
- Este mural representaría a primeira fase dun proxecto completo para decorar a praza que pretende cubrir todas as paredes que se atopan deterioradas nela. A través desta iniciativa preténdese mellorar a estética desta contorna e, ao mesmo tempo, resaltar elementos singulares do noso municipio: o mar, a cultura e o patrimonio, tanto material como inmaterial.
Este ano o Concello da Guarda puxo en marcha outra iniciativa para seguir mellorando a imaxe do municipio. En colaboración co artista local Antonio Martínez «Cachi» estase a levar a cabo a creación dun mural na Praza de Avelino Vicente, unha das zonas da localidade máis visitadas por veciños e visitantes na actualidade.
A pesar de que a obra aínda non está rematada, xa se pode apreciar nela a gran habilidade deste artista guarda para plasmar a beleza e singularidade do noso pobo.
O Concello convídache a gozar do proceso creativo xa apreciar como a esencia do noso pobo se reflicte nesta espectacular obra de arte, que agardamos se converta nun referente para a comunidade e nun reclamo turístico máis.