O concello da Guarda organiza a través da Concellaría de Turismo unha nova edición da Ruta “Petiscos con Arte”, un evento que mestura a gastronomía e a arte para ofertar aos participantes unha experiencia para os sentidos. A Ruta “Petiscos con Arte” terá lugar as dúas fins de semana de Ler máis
O concello da Guarda organiza a través da Concellaría de Turismo unha nova edición da Ruta “Petiscos con Arte”, un evento que mestura a gastronomía e a arte para ofertar aos participantes unha experiencia para os sentidos.
A Ruta “Petiscos con Arte” terá lugar as dúas fins de semana da segunda quincena de novembro, os días 16, 17, 23 e 24 en horario de mañá de 12:00h a 14:00h e de tarde de 19:00h a 21:30h.
Os 12 establecementos participantes nesta edición ofertarán un petisco ao prezo de 1,50€, elaboracións gastronómicas para todos os gustos con guisos, montadiños, tostadas, sushi, entre outros.
A finalidade da ruta é promocionar a gastronomía e a arte na Guarda, polo que as persoas participantes poderán degustar os petiscos mentres contemplan as obras de pintura, escultura e fotografía expostas nos establecementos, contando con ilustracións, pinturas, fotografías e esculturas.
Nesta ruta colabora a Deputación de Pontevedra e tamén a Adega Gran Novas, que cederá 5 lotes de viño albariño para sortear entre os participantes na ruta que degusten o petisco e enchen a papeleta do sorteo.
Para premiar a fidelidade dos participantes haberá un sorteo de diferentes agasallos entre as papeletas entregadas nas urnas, que estarán en cada establecemento. Cada participante que deguste un petisco recibirá unha papeleta que encherá cos seus datos persoais e depositará na urna para entrar no sorteo. Haberá un pequeno acto de entrega aos premiados no sorteo (un premio por persoa).
