A exposición <<Viaxando pola historia, cen anos do MASAT>> conmemora o centenario do Museo Arqueolóxico do Monte Santa Trega que se inaugura hoxe o 27 de xullo ás 19.00 horas na Casa dos Alonso. A mostra permanecerá aberta ao público ata o 27 de agosto, cun horario, de martes Ler máis
A exposición <<Viaxando pola historia, cen anos do MASAT>> conmemora o centenario do Museo Arqueolóxico do Monte Santa Trega que se inaugura hoxe o 27 de xullo ás 19.00 horas na Casa dos Alonso.
A mostra permanecerá aberta ao público ata o 27 de agosto, cun horario, de martes a sábado de 12.00 a 14.00 horas e de 19.00 a 22.00. Os domingos e días festivos será posible a súa visita entre as 12.00 e as 14.00 horas.
A exposición mostrará a evolución do museo dende os seus inicios no ano 1917, fundado pola Sociedade Pro-Monte, ata os nosos días, e permitirá realizar unha viaxe ao pasado a través do patrimonio deixado polos nosos antepasados. Esta é unha excelente oportunidade para todas as persoas interesadas en coñecer de primeira man como eran os habitantes que moraban na cima do Monte Santa Trega e como os membros da Sociedade Pro-Monte dedicaron o tempo a coidar e difundir un dos xacementos máis emblemáticos de Galicia.
Resumo da programación ata o domingo 30 de xullo:
Xoves 27:
19:00h <<Inauguración da Exposición Viaxando pola Historia 100 anos do MASAT>> na Casa dos Alonso. Poderase visitar ata o 27 de agosto no horario: martes a sábado 12 a 14h e de 19 a 22h. Os domingos e festivos de 12 a 14h.
21:30h << Visita teatralizada>> ao casco histórico cun percorrido ambientado no ano 1930 cos actores de Os Quinquillans Teatro. Empeza na Praza da Igrexa.
Do venres 28 ao 30 de xullo: <<FESTA DO PEIXE ESPADA>> na carpa do porto.
A partir das 19.00h do venres poderase degustar o peixe espada na carpa da festa e gozar dun completo programa de actividades.
Venres 28:
23.00 <<Concerto Tributos Rock and Pop>> na carpa do porto. Organiza: Agrupación Musical da Guarda.
Sábado 29:
Todo o día – << V Mercado da Música>> con concertos, mercado e actividades nos xardíns do Centro Cultural. Organiza: Sopadesobre
Lembrade sábado e domingo:
<<Visitas guiadas ao Monte Santa Trega>> Visita de 90 minutos con inicio ás 12.30h e 17.00h no Museo e visita de 30 minutos con inicio ás 16.00h no Castro.
