O Concello da Guarda realizou esta mañá o sorteo dos cinco lotes de viño albariño da Adega Gran Novás entre as máis de 1.400 persoas participantes na ruta gastronómica «Petiscos con arte» que entregaron o boleto cuberto. Os cinco gañadores e gañadoras son Carmen María Martínez (O Rosal), Daniel Baz Vicente (A Guarda), Ler máis
O Concello da Guarda realizou esta mañá o sorteo dos cinco lotes de viño albariño da Adega Gran Novás entre as máis de 1.400 persoas participantes na ruta gastronómica «Petiscos con arte» que entregaron o boleto cuberto.
Os cinco gañadores e gañadoras son Carmen María Martínez (O Rosal), Daniel Baz Vicente (A Guarda), Víctor Manuel González Souto (Tui), Eva Martínez Trigo (A Guarda) e Ricardo Martínez (O Rosal). A entrega dos lotes terá lugar na Casa do Concello o vindeiro luns, 4 de decembro, ás 12:00 horas.
Tanto os 15 establecementos hostaleiros como os artistas participantes amosaron a súa satisfacción co resultado do evento gastronómico, durante o que se serviron máis de 2.000 ‘petiscos’ e que permitiu achegar unha parte da tradición culinaria e artística ás veciñas, veciños e visitantes. A iniciativa ofreceu, ademais, a oportunidade de que algúns artistas locais e da comarca amosasen as súas creacións por primeira vez ao público.
Tendo en conta o bo resultado da iniciativa, dende o Concello existe a vontade de consolidar a ruta «Petiscos con arte» como un evento gastronómico anual ao que poderán sumarse novas cafeterías, restaurantes e artistas do pobo e da comarca.