O vindeiro sábado día 1 de xuño o Monte Santa Trega será o escenario para a visita de case un cento de motos da emblemática marca italiana Ducati na Quedada Nacional que organiza cada ano o Club DOC D.C.E. e que este ano, celébrase na cidade olívica entre o 31 de Ler máis
O vindeiro sábado día 1 de xuño o Monte Santa Trega será o escenario para a visita de case un cento de motos da emblemática marca italiana Ducati na Quedada Nacional que organiza cada ano o Club DOC D.C.E. e que este ano, celébrase na cidade olívica entre o 31 de maio e o 2 de xuño.
Apasionados das dúas rodas visitarán o Monte Santa Trega da Guarda entre as 11:30h e as 12:30h, momento no que gozarán coas paisaxes guardesas do Estuario do Miño, o océano Atlántico, así como aproveitar para coñecer o noso rico patrimonio cos Castros de Santa Trega.
Esta visita enmárcase nun percorrido que farán os participantes nesta quedada por lugares emblemáticos das Rías Baixas ao longo da súa estadía en Galicia.
Tódalas persoas que así o desexen, poderán achegarse ata o Monte Santa Trega e contemplar os diferentes modelos da marca Ducati, que estarán na zona próxima á antiga Casa Forestal do Monte Santa Trega.