A Guarda inaugurará o Entroido 2025 co Desfile Escolar o vindeiro venres 28 ás 11:30h, cando preto de 400 alumnos e alumnas da Guarda tomen as rúas para amosar os seus mellores disfraces. Durante a fin de semana continúa a programación na Alameda. O sábado haberá noite de djs con Axel, Matt. Ler máis
A Guarda inaugurará o Entroido 2025 co Desfile Escolar o vindeiro venres 28 ás 11:30h, cando preto de 400 alumnos e alumnas da Guarda tomen as rúas para amosar os seus mellores disfraces.
Durante a fin de semana continúa a programación na Alameda. O sábado haberá noite de djs con Axel, Matt. Joan Roca e Diego Mariño. A tarde do domingo arranca co espectáculo de pallaso infantil “A vida tola de Pajarito”, quen fará participar ao público e transeúntes coas súas tolemias.
Despois, a charanga Cantos Somos amenizará o resto da tarde do domingo. O luns e martes de Entroido temos as tardes completas de actividades para gozar na Alameda. O luns 3 teremos xogos populares na Alameda, mentres que o martes 4, haberá festa de Entroido e Baile de Disfraces con pintacaras, globoflexia e busca do tesouro.
O prato forte chegará o venres 7 de marzo co Desfile de Entroido. Este sairá ás 20:30h da rúa Porto Rico (Esquina Famosa) e percorrerá a rúa Galicia ata rematar na Alameda. Alí, comezará a festa con Darío GZ, Adrián Mesu, Christian Pereira e DJ Charlie.
(En caso de choiva, proporase unha nova data para o Desfile).