• Este mes lanzouse oficialmente a guía de Espazos Museísticos Pasaporte REMA que serán repartidos de modo gratuíto en cada un dos 27 museos da Rede REMA • Arranca o sorteo de 19 cestas mariñeiras empregando o pasaporte REMA Os GALP de Galicia promoven no marco do proxecto Pasaporte REMA a Ler máis
• Este mes lanzouse oficialmente a guía de Espazos Museísticos Pasaporte REMA que serán repartidos de modo gratuíto en cada un dos 27 museos da Rede REMA
• Arranca o sorteo de 19 cestas mariñeiras empregando o pasaporte REMA
Os GALP de Galicia promoven no marco do proxecto Pasaporte REMA a creación da primeira guía sobre a cultura mariñeira atlántica europea. Nela, están representados 25 museos galegos, un portugués e outro asturiano, e entre todos eles o Museo do Mar da Guarda.
O proxecto Pasaporte REMA é unha iniciativa financiada polo Fondo Marítimo da Pesca (FEMP) na que participan os oito Grupos de Acción Local do Sector Pesqueiro (GALP) galegos
O día 18 de maio, día internacional dos museos, lanzouse oficialmente a guía de Espazos Museísticos Pasaporte REMA que serán repartidos de modo gratuíto en cada un dos 27 museos da Rede REMA dos que se ofrece información na citada guía. Ademais, as persoas que visiten estes espazos poderán ir acumulando selos Remiña e, unha vez alcancen 5 estampacións de museos localizados en polo menos 2 territorios GALP poderán participar no sorteo de 19 cestas mariñeiras, compostas de produtos de proxectos financiados polos GALP. O prazo máximo para lograr estas estampacións remata o día 2 de novembro de 2021. Ademais, unha cesta mariñeira sortearase proximamente a través das Redes Sociais do Proxecto Pasaporte REMA (Facebook: Pasaporte REMA, Instagram: @pasaporterema)
REDE REMA
Os Grupos de Acción Local do Sector Pesqueiro (GALP) de Galicia impulsaron conxuntamente a creación da primeira rede centrada no patrimonio material e inmaterial do mar, apoiada pola Consellería do Mar e financiada a través do Fondo Europeo Marítimo e da Pesca (FEMP).
A Rede de Espazos Museísticos Atlánticos (REMA) é a primeira rede especializada en contidos relacionados coa cultura mariñeira atlántica europea. O seu obxectivo é que o patrimonio material e inmaterial ligado ao mar sirva de nexo de unión entre os diferentes pobos do arco atlántico de Europa. Actualmente, a rede está composta por espazos da costa galega, asturiana e portuguesa, cun interese común por preservar a cultura mariñeira do arco atlántico europeo e a súa historia. Os seus membros custodian un patrimonio atractivo para diferentes grupos de interese: turistas, escolares, persoal investigador e público en xeral.
A guía contén información dos elementos patrimoniais máis relevantes que se poden atopar en cada espazo e está orientada tanto dende o punto de vista dos visitantes como do seus actuais xestores culturais. Ademais, pódese obter máis información ou visitar a partir do 22 de xuño os museos xogando de modo virtual a través do smartphone, enfocando co móbil o código QR que se atopa na guía.
Rede REMA
Web: www.redrema.eu