Novo fin de semana no que A Guarda dá oficialmente por iniciada a tempada de verán con numerosas actividades para todos os públicos, destacando a segunda edición do Interlude Fest, a Pasarela e Inauguración da Exposición do Traxe Galego, a entrega de premios do Certame de Poesía Feliciano Rolán, o Festival de Baile Ler máis
Novo fin de semana no que A Guarda dá oficialmente por iniciada a tempada de verán con numerosas actividades para todos os públicos, destacando a segunda edición do Interlude Fest, a Pasarela e Inauguración da Exposición do Traxe Galego, a entrega de premios do Certame de Poesía Feliciano Rolán, o Festival de Baile Moderno de Xamaraina, ou a celebración das Festas de San Pedro coas súas tradicionais fogueiras.
Programación por días
VENRES 28:
A Asociación Érguete Baixo Miño organiza este venres día 28 de xuño de 2019 entre as 09:00 e 11:00 h da mañá a Xornada Empresarial “Non te pares – Érguete!!”, acto central do Programa Érguete Emprega 2019, que terá lugar no Centro Cultural da Guarda.
Neste acto os asistentes terán contacto directo con persoal de Recursos Humanos das empresas: Imerys S.A., Grupo Alliance (ETT), e con Xosé Alberte Cea – orientador laboral do Concello de Vigo, para coñecer de primeira man información sobre que traballadores buscan nas súas empresas ou que perfís adoitan requirir.
A xornada está aberta a todas aquelas persoas que queiran achegarse e coñecer un pouco máis as demandas das devanditas empresas, así como os labores desta entidade.
O Club de Remo Robaleira organiza este venres unha xornada de portas abertas para conmemorar o 30º aniversario deste club deportivo da vila, contando nas súas instalacións cunha exposición fotográfica, así como un serán con grupos de baile, gaita e cantos de taberna cunha sardiñada popular. Nesta edición de San Pedro organizan unha gran fogueira que rematará co conxuro da queimada a cargo de Victoriano.
Este venres celébranse tamén as Festas de San Pedro na Praza de Salcidos cunha gran churrascada popular con actuación musical e fogueiras.
Este venres ás 20:00h terá lugar na Casa dos Alonsos a Pasarela do Traxe Galego, organizada pola Asociación Recuperación do Traxe Galego da Guarda, antedala da Inauguración da XI Exposición do Traxe Galego que estará nos baixos do Concello ata o 3 de xullo en horario de 18:00h a 21:00h.
SÁBADO 29:
Ás 11:30h da mañá deste sábado o Centro Cultural acolle a Charla «Megalitismo do Sur de Galicia no seu contexto atlántico», contando coas intervencións de Antón A. Rodríguez Casal, Catedrático e profesor de prehistoria na USC e do guardés Miguel Carrero Pazos, Doutor en historia na USC.
O Castelo de Santa Cruz da Guarda será o escenario para a celebración da segunda edición do Interlude Fest, un festival musical organizado pola Asociación Cultural Rock´n´rolla en colaboración co Concello da Guarda.
As actividades programadas arrincarán xa dende as 11:00h da mañá con inchables e xogos para nenos e nenas, xunto con diversas actuacións de amenización con música tradicional ao longo do día.
Ás 20:00h da tarde arrincarán os concertos nos que actuarán os grupos: The Charrans, Elefantes Mutilados, Satxo, Stoned at Pompeii e Malkeda, unha mestura de estilos que van dende o Punk-Rock, Metal ata o Hard-rock.
A entrada é gratuíta e a programación de concertos abranguerá ata as 3:00h da madrugada con cantina e comida a prezos populares.
Tamén na xornada deste sábado terá lugar a entrega de premios do XXXIII Certame de Poesía Feliciano Rolán ás 21:00h no Salón de Actos do Centro Cultural da Guarda nun acto cultural poético que contará coas actuacións das Pandereteiras da Agrupación Cultural Guardesa e do Coro Arpexios.
Continúan as visitas guiadas para coñecer o patrimonio do Monte Santa Trega, ás 11:30h realizarase a visita guiada ao Castro de Santa Trega, que terá como punto de encontro a vivenda reconstruída do castro, e que terá unha duración aproximada de 30 minutos.
Ás 12:30h e ás 17:00 terán lugar dúas novas visitas guiadas ao Monte Santa Trega, con punto de encontro no Museo Arqueolóxico (MASAT), e que terán unha duración aproximada de 90 minutos.
Estas visitas guiadas son de carácter gratuíto e sen inscrición previa. Para os grupos de máis de 10 persoas é necesario facer unha reserva previa chamando ao teléfono 986 610 504.
A taxa de acceso ao Monte Santa Trega é de 1€ para adultos e de 0,5€ para os menores de 14 anos.
O Centro de Interpretación das Fortalezas no Castelo de Santa Cruz acolle a Exposición de maquetas e figuras de Praxíteles González na que se expoñen varias maquetas do artista rosaleiro, como “Ponte do Tamuxe”, “Igrexa de Santa Mariña do Rosal”, “Muíño Serradoiro” e “Dúas vivendas rosaleiras”, todos estes, elementos do Rosal. Ademais das maquetas das catedrais de Santiago e Notre Dame. Completa esta exposición unha selección das máis de 40 esculturas realizadas polo artista. Horario de 11:00h a 14:00h e de 18:00h a 21:00h.
Entrada: 1€ adultos e 0,5€ ata os 14 anos inclusive.
DOMINGO 30:
Ao longo da xornada deste domingo a Asociación Os Amigos organiza no Casino de Camposancos a XV Xuntanza de Palilleiras, un evento que congrega a centos de persoas de toda a xeografía galega e nacional.
Continúan as visitas guiadas para coñecer o patrimonio do Monte Santa Trega, ás 11:30h realizarase a visita guiada ao Castro de Santa Trega, que terá como punto de encontro a vivenda reconstruída do castro, e que terá unha duración aproximada de 30 minutos.
Ás 12:30h e ás 17:00 terán lugar dúas novas visitas guiadas ao Monte Santa Trega, con punto de encontro no Museo Arqueolóxico (MASAT), e que terán unha duración aproximada de 90 minutos.
Estas visitas guiadas son de carácter gratuíto e sen inscrición previa. Para os grupos de máis de 10 persoas é necesario facer unha reserva previa chamando ao teléfono 986 610 504.
A taxa de acceso ao Monte Santa Trega é de 1€ para adultos e de 0,5€ para os menores de 14 anos.
O Centro de Interpretación das Fortalezas no Castelo de Santa Cruz acolle a Exposición de maquetas e figuras de Praxíteles González na que se expoñen varias maquetas do artista rosaleiro, como “Ponte do Tamuxe”, “Igrexa de Santa Mariña do Rosal”, “Muíño Serradoiro” e “Dúas vivendas rosaleiras”, todos estes, elementos do Rosal. Ademais das maquetas das catedrais de Santiago e Notre Dame. Completa esta exposición unha selección das máis de 40 esculturas realizadas polo artista. Horario de 11:00h a 14:00h e de 18:00h a 21:00h.
Entrada: 1€ adultos e 0,5€ ata os 14 anos inclusive.